Аслида терма жамоа Тошкент вақти билан 12:30да Эроннинг Zagros авикомпаниясига тегишли самолётда тўғридан-тўғри Теҳронга учиши керак эди. Аммо негадир ушбу самолёт Теҳрондан Тошкентга тахминан 5 соат кечиккиан ҳолда учган ва ўз-ўзидан терма жамоа аъзолари самолётни Тошкентдаги аэропортда кутишга мажбурлар.
Ўзбекистон Теҳронга кеч учиб бориши туфайли Теҳрондаги бугунги машғулотлар ҳам бекор бўлиши мумкин.
ЎФА вакиллари 7 ва 8 июнь кунлари Теҳронга тўғридан-тўғри рейс бўлмагани учунгина Zagros компаниясининг самолётини танлаган экан. Авиакомпаниянинг Тошкентдаги вакили ҳам нима учун 5 соат кечикиш бўлганини билмаслиги жуда ғалати. Эрон томони "ўйин"ни майдондан ташқарида бошлаб юборди, шекилли.
