Эртага старт оладиган Осиё чемпионатида иштирок этадиган терма жамоалар ичида энг кўп легионер Сурияда

"Эртага старт оладиган Осиё чемпионатида иштирок этадиган терма жамоалар ичида энг кўп легионер Сурияда, 6 нафар.

Куни кеча бир танишимга айтгандим, яна беш-олти йиллардан кейин Сурия ўсмирлар ва ёшлар терма жамоалари, кейинчалик миллий терма жамоаси Осиёда топ даражага чиқади. Буни Марокаш мисолида кўрдик. 2011 йил Сурия давлатида бошланган уруш ортидан жуда кўплаб маҳаллий ахоли Ватанни тарк этишга мажбур бўлди. Улар Туркия орқали Европага кириб олдилар. Бугун мана шу халқ вакилларининг фарзандлари Европанинг турлик футбол академияларида қатнашяпти. Миллий чемпионатларда ўйнаяптилар. Менинг шахсий фикрим, улар терма жамоа сифатида кейинчалик Сурияни танлаб бораверадилар ва бу биз учун жуда бир жиддий рақиб шаклланаётганидан далолат.

Эртага биз айнан Сурия терма жамоасига қарши баҳс олиб борамиз. Таркибда неча нафар легионер майдонга тушиши кўрамиз ва уларнинг савиясга ҳам баҳо беришимиз мумкин бўлади.

Мусобақа иштирокчилари орасида кимда, қанча легионер деган саволга жавоб:

1. Сурия  - 6

2. Австралия - 4

3. Тожикистон  - 3

3. Иордания - 3

4 Ўзбекистон - 2

4. Қирғизистон - 2

4. Ироқ  - 2

5. Индонезия  - 1

5. Жанубий Корея - 1

5. Япония - 1

5. Хитой - 1

Япония терма жамоаси сафида "Барселона" академиясидан, Хитойда эса "Атлетико" Мадриддан футболчи бор. 

Саудия Арабистони ва Вьетнам терма жамоаларида легионер йўқ. Қатар, Уммон ва Эрон таркиблар чиқмаган", - деб ёзади Нодирхўжа Йўлдошев.