Жорий мавсумда 22 ёшли ҳимоячи АПЛ доирасида 16 та ўйинда майдонга тушишга улгурди.
"Ҳусанов ўзини ажойиб кўрсатмоқда. Тилни билмай туриб янги мамлакатга кўчиб ўтиш унга осон бўлмади — бу жуда қийин. Босим, унинг АПЛда ўйнаётган илк ўзбекистонлик эканлиги ва шунга ўхшаш омиллар бор.
Мен гўёки 35 ёшга киргандек гапиряпман, лекин ундай эмас. Ёшим 25 да. Бироқ менда катта тажриба бор, кўп ўйинларда иштирок этганман ва турли вазиятларда ўзини қандай тутишни биламан.
Гап бошқаларга ёрдам бериш ҳақида кетмоқда, чунки мен улар ўзларини қандай ҳис қилаётганини биламан. Баъзан бу осон кечмайди. Улар ўзларини қулай ҳис қилишлари учун шароит яратиш жуда муҳим", — деди Эрлинг Холанд.
Эслатиб ўтамиз, Абдуқодир Ҳусанов ўз ўйинлари билан нафақат жамоадошлари, балки мутахассисларнинг ҳам эътиборини қозонишда давом этмоқда. Ўзбекистон миллий терма жамоаси аъзоси "шаҳарликлар" мудофаа чизиғида мустаҳкам ўрин эгаллашга интилмоқда.
