"Бугун Ўзбекистон чемпионатидаги иккита энг кучли жамоалардан бири ўйнайди. Иккинчи давра олдидан "Қизилқум" анча кучли футболчилар билан бойиди ва жамоа ҳам шунга монанд кучайиб олди. "Локомотив"га қарши муносиб қаршилик кўрсатиб, мухлисларимизга ёқадиган футбол кўрсатамиз ва уларни хурсанд этамиз, деган умиддаман.
Артур Геворкян билан 6 йил бир жамоада тўп тепдик. Геворкян сўзсиз "Локомотив"нинг ҳужум чизиғини кучайтиради. "Насаф"нинг охирги йилларда ички чемпионатимизда қўлга киритган ютуқларида энг катта сабабчи бўлган Артур Геворкянга "Локо"да омад. ОЧЛ лигасида Геворкян ва "Локомотив"га улкан зафар тилаб қоламан", - дейди Эркин Бойдуллаев.
