Энцо Фернандес "Челси" Жоау Феликсни доимий сотиб олишини истайди
25 фев 2023 19:39
Янгиликлар

Энцо Фернандес "Челси" Жоау Феликсни доимий сотиб олишини истайди

Аргентиналик футболчи ҳозирги жамоаси борасида фикрларини билдириб ўтди.

Аргентина терма жамоаси сафида Жаҳон чемпионатида ажойиб ўйин кўрсатиб барчанинг эътиборини тортган Энцо Фернандес қишки трансферлар ойнасининг энг йирик харидига айланди.

Ярим ҳимоячи худди у каби январда "кўклар" аъзосига айланган португалиялик Жоау Феликсни "Челси" бутунлай сотиб олиши керак, деб ҳисоблайди. Шунингдек, Фернандес жамоа мухлисларини сабрли бўлиб, Грэм Поттерни қўллаб-қувватлашга чақирди.

Клуб тарафдорларининг бир қисми аллақачон Чемпионлар Лигаси титулини келтирган Томас Тухелнинг бўшатилиши эвазига олиб келинган Грэм Поттернинг истеъфосини талаб қилиб чиқди.

"Стэмфорд Бриж" эгалари Поттер қўл остида ўтказилган 25 ўйиннинг атиги 9 тасида ютди, АПЛда 10-ўринга тушиб кетди ва Чемпионлар Лигаси 1/16 финал босқичи биринчи баҳсида "Боруссия" Дортмундга мағлуб бўлди.

Ҳавола :

Манба : Metro

Янгиликларни Телеграмда ўқинг!

Рейтинг: +2