Элит ОЧЛ. "Тракторсози" ғалабага эришди, Ҳамробеков майдонга тушди, "Ал Дуҳайл" илк уч очкосини тантана қилди (+ЖАДВАЛ)
03 ноя 23:19
Янгиликлар

Элит ОЧЛ. "Тракторсози" ғалабага эришди, Ҳамробеков майдонга тушди, "Ал Дуҳайл" илк уч очкосини тантана қилди (+ЖАДВАЛ)

Теглар : ОФК Элит Чемпионлар лигаси Одил Ҳамробеков

ОФК Элит Чемпионлар лигасининг 4-тур учрашувларига старт берилди.

Бугунги баҳсларда "Насаф" ғалабани қўлдан бой берган бўлса, бироз олдин якунланган баҳсларда БАА ва Эрон жамоалари ғалабага эришишди.

"Тракторсози" Ироқнинг "Ал Шорта" жамоасини қабул қилиб, кичик (1:0) ҳисобда зафар қучди. Эронликлар сафида тўп тепаётган Одил Ҳамробеков 80 дақиқада захирадан баҳсга қўшилди. "Ал Дуҳайл" (Қатар) эса "Шабаб Ал Аҳли"ни (БАА) 4:1 ҳисобида таслим қилди.

Матч-центрда очиш

Ушбу учрашувлардан сўнг турнир жадвалининг ғарб минтақасида охирги ўрнини "Насаф" эгаллаб турибди. Рўзиқул Бердиев шогирдлари ҳозиргача бирорта очко тўплай олгани йўқ. Қарши жамоасини енгган "Ал Ваҳда" эса айни дамда 10 очко билан жадвал етакчиси бўлиб турибди, аммо "Ал Ҳилол" (9 очко) бугун "Ал Гараафа" устидан ғалаба қозонса етакчилик Саудия Арабистони жамоасига ўтади.

ЭЛИТ ОЧЛ ЖАДВАЛИ

Ҳавола :

Манба : championat.asia

Янгиликларни Телеграмда ўқинг!

Рейтинг: +1