- Миллий терма жамоа йиғинига келдингиз. Кайфиятингиз қандай?
- Миллий терма жамоага келганимда доим кайфиятим аъло бўлган.
- "Рома"даги ишларингиздан кўнглингиз унчалик тўлмаётган бўлсангиз керак.
- Албатта кўпроқ ўйнашни хоҳлайман.
- Бунга нима сабаб деб ўйлайсиз?
- Билмадим, балки ўзимни яхши томонлама кўрсата олмаётгандирман. Буни вақт кўрсатади.
- Намангандаги халқаро мусобақа ҳақида нима дея оласиз?
- Ушбу мусобақа водийлик мухлислар учун ўзига хос байрам бўлади. Уларни хурсанд қилишга ҳаракат қиламиз.
- Моуринью билан муносабатлар ёмонлашмадими?
- Йўқ, барчаси жойида. Тўғри бошидагидек эмаску, лекин яхши.
- Режангизда кейинги мавсум ҳам "Рома"да қолиш нияти борми?
- Клуб билан амалдаги шартномам бор. Агар ўйнайдиган бўлсам қолишни хоҳлайман, лекин кўп вақт захирада ўтириш ниятим ҳам йўқ.
- Абрахамнинг Англияга қайтиши мумкинлиги ҳақида хабарлар чиқди. Унинг кетиши сизнинг қолишингизни кафолатлайдими?
- Йўқ, унинг аҳамияти йўқ деб ўйлайман.
- Олдин "Ростов"да ўйнаган вақтингизда клубда гол ура олмасди, терма жамоага бориб голлар уриб яхши кайфиятда клубга келарди дейишарди. Намангандаги турнирда ҳам шундай бўлиши мумкинми?
- Албатта бўлиши мумкин. Ҳужумчи биринчи навбатда гол урса ўзига бўлган ишонч ошади. Шунинг учун "Navruz Cup" мусобақасида ҳам кўп гол уришни хоҳлайман.
- Наманганлик мухлисларга нималар деган бўлардингиз?
- Водийлик барча мухлисларга стадионга келиб бизни қўллаб туришларини сўрайман. Биз эса чиройли ўйин билан хурсанд қилишга ҳаракат қиламиз.
