Эдегор нега "Барса"га ўтмаган? Футболчининг агенти бунга жавоб берди

"Барселона" бизни ўзининг Ла Масия академиясига таклиф қилди. Улар бизни ҳатто каталонияликларнинг ЧЛ доирасидаги ўйинига ҳам таклиф қилишди. "Барселона" - ажойиб клуб, аммо Мартин ва унинг отаси танловдан олдин кўп нарсаларни ҳисобга олишган. Ўша пайтда "Барселона"га янги келганларни рўйхатга олиш таъқиқланган эди, шундай экан Эдегор яна бир йил Норвегияда қолишига тўғри келарди.

Натижада "Реал" ўз таклифларини берди. Улар Мартин учун режа туздилар. Албатта, у Месси билан ўйнашни хоҳлайди, сабаби уни энг кучли футболчи деб ҳисоблайди ва унинг ҳаракатларини такрорлашга ҳаракат қилади. Шубҳасиз, сиз бирор бир ўйинчини Месси билан таққослай олмайсиз, у энг зўри. Шунинг учун Мартинни ўйинини кузатсангиз, у Мессини такрорлашга уринаётганини кўрасиз, - дейди Кент Карлсен.

Эслатиб ўтамиз, Эдегор "Реал"га 2015 йилда Норвегиянинг "Стремсгодсет" клубидан ўтган эди. У ҳозирда "Реал Сосьедад"да ижара асосида ўйнамоқда.