"Ўйин яхши бўлди. Мухлисларимизни хурсанд қилдик деб ўйлайман. "Қўқон-1912" жамоаси ҳам бизга етарлича қаршилик кўрсатди. Умуман бу жамоа анча кучли эканлигини таъкидлаб ўтган бўлардим. Бу йилги мавсумда чемпионатимизда кучсиз жамоанинг ўзи йўқ. "Қўқон-1912" жамоасининг кейинги ўйинларида омад тилайман. Урган голим жамоага ғалаба келтирганидан хурсандман. Чарчоқ аломатлари? Йўқ, мундиалдан кейин керакли ҳордиқни чиқариб олдик ва чарчоқ аломатлари сезилмаяпти. Бошқа жамоалардан таклифлар тушаётгани ҳақида мен билмайман. Бу борада клуб шуғулланади", - дея ўйин ҳақидаги фикрлари билан ўртоқлашди Достонбек Ҳамдамов.
