"Динамо" ПФК жамоасида бугундан ойлик-маошлар берилиши бошланди
15 май 12:41
Янгиликлар

"Динамо" ПФК жамоасида бугундан ойлик-маошлар берилиши бошланди

Теглар : "Динамо"

Ижтимоий тармоқларда "Динамо" ПФК жамоасидаги молиявий вазият ҳамда Самарқанд шаҳридаги стадионларнинг ҳолатига боғлиқ мақолалар эълон қилинди.

Жумладан, интернет нашрларида "Самарқандга футбол керак эмасми?" сарлавҳали мақола чоп этилиб, унда "Динамо" ПФКдаги молиявий ҳолат ва жамоанинг уй стадиони тайёр эмаслиги ҳақида сўз борган.

Шуни маълум қиламизки, жамоа олдидаги муаммолар раҳбарият томонидан бирин-кетин ҳал этилмоқда. "Динамо" ПФК жамоасида бугундан ойлик-маошлар берилиши бошланди.

Шунингдек, "Динамо" марказий ўйингоҳини Суперлига ва халқаро учрашувларни ўтказишга тайёрлаш мақсадида "Nasaf Megastroy" МЧЖ томонидан ишлар амалга оширилмоқда.

Жумладан, футбол майдонига дренаж тизимини ўрнатиш, суғориш тизимини модернизация қилиш ҳамда ёритиш тизимини кучайтириш ва чим қопламасини ётқизиш ишлари бажарилган. Айни вақтда стадионнинг югуриш йўлакларига асфалт ётқизиш ишлари ҳам амалга оширилиб, ишлар якунлаш арафасида.

Самарқанд шаҳридаги "Afrosiyob Arena" стадионини ҳам стандарт ҳолатга келтириш борасида мутасаддилар томонидан тегишли ишлар бошланган.

Ҳавола :

Манба : "Динамо” матбуот хизмати

Янгиликларни Телеграмда ўқинг!

Рейтинг: +4