UZ

Сўнгги янгиликлар

21:59Суперлига. "Насаф" тур марказий баҳсида ОКМКни ютиб, жадвалдаги етакчиликни тортиб олди  48 21:23Аморим жамоага тезкор футболчиларни олиб келмоқчи  0 20:54Суперлига. "Андижон" "Бобур Арена"да "Сурхон"ни енгиб ғалабасиз сериясига барҳам берди  44 20:19"Реал" Модричга ўринбосар топди  1 19:55Диалло МЮ мухлисларига ваъда берди  2 19:33Анчелотти: "Футбол ҳаёти шундай – вақти келиб ҳар қандай авлод кетади"  1 19:11"Насаф" мухлисларга 3 та соврин билан суратга тушиш имконини яратди  1 18:35Ўзбекистон Кубоги. 1/8 финал босқичига қуръа ташланди: "Қўқон-1912" ўз уйида "Бунёдкор"ни қабул қилади, "Навбаҳор" меҳмонда "Хоразм" билан ўйнайди  11 18:21"Реал" президенти: "Карло Анчелотти энди буюк Мадрид оиласининг абадий аъзосига айланди"  5 17:52Суперлига. 11-тур дисквалификациялари: "Насаф", "Нефтчи" ва "Андижон"да йўқотишлар бор  4 17:33УЕФА Европа Лигаси финалидан сўнг "Тоттенхэм"га медаллар етмай қолгани учун узр сўради  11 17:04Томас Тухель Андорра ва Сенегалга қарши ўйинлар учун Англия терма жамоасига чақирилган 26 нафар футболчи номини айтди. Улар орасида Тоуни ҳам бор  5 16:37Роналду Модричга мурожаат қилди: "Реал"да кўп лаҳзаларни сен билан баҳам кўриш мен учун шараф бўлган"  11 16:16Ўзбекистон кубоги. Бугун 1/8 финалга қуръа ташланади  1 16:05Перес: "Модрич "Реал" мухлислари қалбида мангу сақланиб қолади"  5

«Динамо» - «Навбаҳор»: 45-ўйинда ким ғолиб бўлади? Янгиликлар

«Динамо» - «Навбаҳор»: 45-ўйинда ким ғолиб бўлади?

Теглар :  ДинамоНавбаҳор
Ўзбекистон чемпионатининг 4-тури доирасидаги марказий қарама-қаршилик Самарқандда ўтади.

Ҳозирда турнир жадвалида пешқадамлик қилаётган «Динамо» жамоаси азалий рақиби Наманганнинг «Навбаҳор» клубига қарши саф тортади.

МАРКАЗИЙ ЎЙИН

«Динамо» - «Навбаҳор» учрашуви нафақат ҳар икки жамоа мухлислари, балки Олий Лигага беэътибор бўлмаган ишқибозларнинг ҳам диққат марказида турибди. 31 март, жума куни Самарқанддаги «Динамо» стадионида ўтказиладиган учрашув ҳар икки жамоа учун ҳам жуда муҳим. Ушбу баҳсни тошкентлик тажрибали ҳакам Владислав Цейтлин бошқариб боради.

Олий Лига. 4-тур.

«ДИНАМО» - «НАВБАҲОР»

Учрашув бошланиш вақти: 16:00.

Ҳакамлар:
Владислав Цейтлин (Тошкент), Артем Калинин (Қарши), Бобур Қодиров (Бухоро), Фирдавс Норсафаров (Қарши)

Назоратчи: Шамил Жумаев (Шаҳрисабз).

ПФЛ вакили: Бобур Ҳайдаров.

ЖОРИЙ МАВСУМДА…

Самарқанд ва Наманганнинг бош жамоалари мавсум олди йиғинларда ўзаро иккита ўйин ўтказишганди. Дастлабки февраль ойидаги баҳсда «Навбаҳор» 4:2 ҳисобидаги ғалабани қўлга киритган бўлса, икки ҳафта ўтиб «Динамо» Ориф Мамажоновнинг ягона голи эвазига Наманган жамоасини мағлуб этганди.

Олий Лига бошланишини ҳар икки жамоа турлича бошлади: «Динамо» ўтган уч турда «Металлург» (0:2), «Шўртан» (3:0), «Пахтакор» (0:1) жамоалари мағлуб этиб максимал натижа билан 1-ўринда бораётган бўлса, «Навбаҳор» «Обод» (2:1), «Қизилқум» (2:1) ва «Нефтчи» (1:1) билан ўйинларда бир ғалаба, мағлубият, дуранг қайд этиб 4 очко жамғаришга эришди.

ЎЗАРО ЎЙИНЛАР

Самарқанд ва Наманган жамоалари 1992 йилдан буён Олий Лига тарихида 44 маротаба рўбарў келишган. Статистика водий жамоасининг фойдасига «гапирмоқда»: 23 та ўйинда «Навбаҳор» ғалабани тантана қилган, 8 баҳс муроса йўли билан интиҳо топган, 13 марта эса «Динамо» ғолиб сифатида майдонни тарк этган.

Тўплар нисбати бўйича ҳам «тош» «Навбаҳор” томонини босмоқда: 80:41. Ўтказилган 44 ўйин якунида «Навбаҳор» 77 очкога эга чиққан бўлса, «Динамо» 47 очкони ўз ҳисобига ёзиб қўйган.

Ўзаро ўйинларда наманганликларнинг энг йирик ғалабаси 7:1, «Динамо»да эса бу кўрсаткич – 2:0 га тенг.

«Динамо» сўнгги марта 2011 йилда Виктор Жалилов қўл остида «Навбаҳор»га мағлуб бўлган. Ўшанда Рўзимбой Аҳмедовнинг голи наманганликларга ғалаба келтирган. Шундай буён, Самарқандда ўтказилган тўрт ўйиннинг учтасини «Динамо» ғалаба билан якунлади, бирида дуранг қайд этилган.

Самарқандда бўлиб ўтган сўнгги беш учрашув:

23.09.2015 «Динамо» - «Навбаҳор» 2:1

21.06.2014 «Динамо» - «Навбаҳор» 2:0

31.05.2013 «Динамо» - «Навбаҳор» 1:1

14.09.2012 «Динамо» - «Навбаҳор» 2:0

02.04.2011 «Динамо» - «Навбаҳор» 0:1

ЭСКИ ТАНИШЛАР…

Жорий йилда «Навбаҳор» сафида «Динамо»нинг бир қатор собиқ футболчилари тўп суришмоқда. Жумладан, ҳимоячи Алишер Саматов 2014 йилги мавсумда «Динамо» шарафини ҳимоя қилган бўлса, ярим ҳимоячи Илҳом Бойдадаев 2012 йилги мавсумда, ҳужумчи Рўзимбой Аҳмедов эса 2012-13 йилларда жамоамиз сафида тўп сурган.

Бу борада «Динамо» сафида ҳам «Навбаҳор»нинг собиқ футболчиларини учратиш мумкин. Хусусан, жамоамиз бош менежери Илҳом Шарипов футболчилик фаолиятида Наманганда муваффақиятли тўп сурган бўлса, жорий йили «Динамо» сафида ишончли ўйин кўрсатаётган Абдумалик Абдуллаев Наманган футболи тарбияланувчиси саналиб, «Навбаҳор» таркибида бир неча йил тўп сурган.

«Динамо» клуби матбуот хизмати.

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика