"Ўйин ҳақида гапириш жуда оғир. Барча жабҳада "Бухоро"га ютқаздик. Бугун ўз жамоамни танимадим. Орада назорат учрашувини ўтказдик, "Бухоро"га ўхшаган рақиб билан ўйнагандик.
Ўйинни таҳлил қиламиз. Биламан, бугунги мағлубиятдан кейин биз томонга кўп негатив фикрлар билдирилади. Аммо эътиборни таҳлилга қаратишимиз керак.
Илк дақиқалардан жамоамиз ўзига ўхшамаётгани сезилиб турганди. Ҳимоядан ҳужумга ўтишдаги тизимли хатолар якунда натижага таъсир қилди", – деди Дилявер Ваниев.
- "Бухоро"дан шундай ўйин кутганмидингиз?
- Албатта, "Бухоро" ўз майдонида ҳужумкор ўйнашини билардик. Биринчи рақам бўлиб ўйнашини тушунардик. Биз эса айтганимдек, ҳимоядан ҳужумга чиқишда муаммоларга дуч келдик.
