Диего Симеоне: "Хави 2016-йилда "Атлетико"нинг услуби катта жамоалар учун эмаслигини айтганди. Энди у мураббий сифатида ўзини кўрсатиши керак - ишончим комил, у бунга эришади"

"Хави 2016 йилда "Атлетико" ўйнаётган услуб катта жамоалар учун эмаслигини айтганди. Ҳозир эса у ўзи хоҳлаган ўйинни, клубдаги йиллар давомида ўрганилиб қолган услубни қўйиш имкониятига эга бўлади. Биз рақибга муаммо туғдирадиган тарзда ўйнашга ҳаракат қиламиз.

Агар сиз бутун умрингизни муайян шароитларда ўтказган бўлсангиз, бошқаларни тушунмайсиз. Мен унинг фикрларига ҳурмат билан қарайман, у бутун фаолияти давомида "Барселона"да ўйнаш учун етарли маҳоратга эга эди. Шериклари ҳам буюк футболчилар эди, улар катта муваффақиятларга эришишди. Энди у ўзини мураббий сифатида кўрсатиши керак ва у муваффақиятга эришишига ишонаман.

Менга "Барселона"нинг қандай ўйнаётгани ёқади. У ўз фалсафасини сингдирди. У жамоанинг ушбу услубга амал қилишини таъминлаш учун барча нарсаларга эга.

"Атлетико"га келганимдан бери "Барселона" ҳар доим барча мусобақаларда ғалаба қозониш учун курашган.

Бизни рақобатчимизга қарши муҳим ўйин кутмоқда, баҳс қизиқарли бўлади. Биз ҳалигача "Барса"ни уйида мағлуб эта олмаганмиз", - дейди Симеоне.

→Хави Симеоненинг "Атлетико"даги ўйин услуби ҳақида гапирди