Дербида хорижлик ҳакамлар, Фарғонада кўриниш берган Фёдоров ва ЎФА биринчи вице-президентининг "Нефтчи" мухлислари билан учрашуви ҳақида (Бекзод Толибов блоги)

Мазкур учрашувда Фарғона вилояти футбол ассоциацияси вакиллари, вилоят футболи мутасаддилари, "Нефтчи" клуби раҳбарияти ва мураббийлар штаби ва бир гуруҳ мухлислар иштирок этдилар.

Учрашувда сўзга чиққан ЎФА биринчи вице-президенти Равшан Эрматов ва бошқа мутассаддилар Фарғонада футболни яхши кўрадиган ва ушбу спорт турига ишқибозлик қиладиган мухлислар сони жуда кўпчиликни ташкил этиши, стадионларда томошабинларга янада қулайлик яратиш борасида амалга оширилаётган ишлар хусусида қатор фикр ва мулоҳазаларни айтиб ўтдилар. Шунингдек, мазкур жараёнда "Нефтчи"нинг собиқ футболчиси ва мураббийи Андрей Фёдоров ҳам бевосита иштирок этди. Бизга маълум бўлишича, Ўзбекистонга бир неча кун дам олиш келган Фёдоров ЎФА вице-президенти Равшан Эрматовнинг таклифига кўра Фарғонага, футбол мухлислари билан учрашувга етиб борган.

"Нефтчи" матбуот хизматига кўра, эндиликда жамоа фан-клуби тизимида қатор ислоҳотлар амалга оширилади. Бу борада 12-сентябрь куни махсус йиғилиш бўлиб ўтиши белгиланган.

Учрашув давомида, футбол учрашувларидаги ҳакамлик борасида ҳам сўз борди. Ушбу масала юзасидан сўз олган ЎФА вице-президенти Равшан Эрматов Coca-Cola Суперлигасининг сўнги 26-туридан ўрин олган "Навбаҳор" ва "Нефтчи" жамоалари ўртасидаги водий дербисига хорижлик ҳакамлар гуруҳи таклиф этилиши режалаштирилаётгани маълум қилинди.

Бекзод Толибов