Депайнинг сўнгги дақиқаларда урган голи "Атлетико"га 3 очко тақдим этди
12 фев 2023 22:30
Янгиликлар

Депайнинг сўнгги дақиқаларда урган голи "Атлетико"га 3 очко тақдим этди

Испания Ла Лигасининг 21-туридан ўрин олган "Сельта" — "Атлетико" учрашуви якунланди.

"Сельта"га қарши сафардаги учрашув "Атлетико" учун осон кечмади. 60-дақиқада Яго Аспас хавфли зарба йўллади, аммо Ян Облак зўрға тўпни қайтаришга муваффақ бўлди. 70-дақиқада Стефан Савич ўз жарима майдончаси ёнида қўполлик ишлатиб, "матрасчилар"нинг бир киши ўйинни давом эттиришига мажбур қилди. Ушбу стандартдан эса Аспас дарвозанинг олис бурчагини нишонга олди. Облак яна бир бор ўз жамоасини сақлаб қолди. Мадридликлар эса 89-дақиқада ўз имкониятини қўлдан бой бермади. Мемфис Депай жарима майдончаси марказидан тўпни дарвоза томон аниқ йўллади.

1:0 ҳисобида ғалаба қозонган "Атлетико" тўртинчи, рақиб эса 13-ўринга жойлашди.