Де Росси Наингголанни СПАЛга таклиф қилишни режалаштирмоқда
20 янв 2023 15:23
Янгиликлар

Де Росси Наингголанни СПАЛга таклиф қилишни режалаштирмоқда

Италиянинг СПАЛ клуби бош мураббийи Даниэле Де Росси ярим ҳимоячи Ража Наингголанни жамоага ўтишини истамоқда, дея хабар берди журналист Николо Скира.

Манба берган хабарга кўра, мутахассис айни дамда футболчини жамоа билан шартнома имзолашга кўндириш устида ишламоқда.

Наингголан Бельгиянинг "Антверпен" клубида ўйнайди, аммо Италия чемпионатига қайтишга тайёр.

2022/23 йилги мавсум ярим ҳимоячи "Антверпен" сафида 12 та ўйинда майдонга тушиб, 1 та гол урди ва 1 та голли узатмани амалга оширди. 2022 йилнинг октябрь ойида у клуб раҳбарияти томонидан захира ўриндиғида сигарет чеккани учун асосий жамоадан четлатилганди. Ўшандан бери футболчи майдонга тушмади.

Transfermarkt портали ярим ҳимоячининг нархини 1 миллион еврога баҳоламоқда.

Ҳавола :

Манба : twitter.com/NicoSchira

Янгиликларни Телеграмда ўқинг!

Рейтинг: +1