Дамир Темиров: "Бурчакдан гол? Ўйлайманки, бу охиргиси бўлмайди"

Учрашувда Дамир Темиров томонидан урилган ягона гол меҳмонларга ғалаба келтирди. Ярим ҳимоячи айни пайтда 4та гол билан Суперлигада жамоасининг тўпурари бўлиб турибди. Учрашувдан сўнг Дамир Темировнинг фикрлари билан қизиқдик. 

- Ўйин ҳақида... 

- Томошабоп ва курашларга бой ўйин бўлди, дея оламан. Чинакам Тошкент вилояти дербиси бўлди. Мухлислар ва жамоадошларимга раҳмат айтаман. 

- "Металлург" бу йил иккита ўйинда ҳам АГМКни мағлуб этишга эришди. Бу борада рақибга қарши махсус тайёргарлик кўрилганмиди?

- Ҳар бир ўйинга рақибдан келиб чиқиб тайёргарлик кўрамиз. Уларни ўрганамиз. Мураббийлар бу борада тегишли кўрсатмаларни беришади. 

- Бурчакдан тўғри рақиб дарвозасини ишғол қилдингиз. Бу қандай амалга ошди?

- Машғулотларда стандартлар устида кўп ишлаймиз. Голга келсак, омадим келди. Ўйлайманки бу охиргиси бўлиб қолмайди. 

- Мавсум охиригача нечта гол уришни мақсад қилгансиз?

- Ўз олдимга доим максимал вазифа қўяман. Нечта гол уриш насиб қилган бўлса, шунча тўп киритаман. Ҳаммаси худодан. 

- АГМКнинг бошқалар пайқамайдиган қандай хатоларини сездингиз?

- Бошқа жамоанинг хатоларини муҳокама қилмоқчи эмасман. Футбол камчиликлардан иборат.