Даглиш: “Моуриньо” “Ливерпул”га қарши “автобус” қўйиш ҳуқуқига эга”

“Уч йил илгари Жозе “Челси” билан келганида ҳам у шу услубдан фойдаланган ва бу унга фойда келтирганди. “Челси” профессионал тарзда ҳаракат қилган ва ва рақиб хатоларини кечирмаганди. Бунинг учун Моуриньони танқид қилиш нотўғри.

Ўтгн мавсумда у “МЮ” билан “Энфилд”га ташриф буюрди. Услуб деярли ўша-ўша эди. Ўшанда ўйин охирида Златан Ибрагимович қулай имкониятдан фойдаланганида, ғалаба қозонишлари мумкин эди. Шу боис аминманки, Жозе бу гал ҳам жуда эҳтиёткор бўлади. Чунки унинг жамоаси кучли олтиликдаги жамоа билан илк учрашувни ўтказади.

Моуриньо катта баҳсларда ғолиб чиқиш йўлини билади. Агар у “автобус” қўйиб, натижага эришишни истаса, бу унинг танлови. Юрген Клопп эса жамоадан бошқача ўйин намойиш этишини истайди.Уни дуранг қониқтирмайди, Клопп фақат ғалаба қозонишни истайди”, дея Даглишнинг сўзларидан иқтибос келтирмоқда Mirror.