"Челси" собиқ ўйинчиси Почеттино жамоасининг ривожланиши учун нималар кераклигини тушунтириб берди

"Натижалар, албатта, ачинарли, аммо жамоанинг ўртача ёши жуда ва жуда кичик ҳамда бу жамоа қайтадан йиғилган. Кўпгина ўйинчиларнинг футболда ҳали кўп ҳам тажрибаси йўқ. Уларга АПЛга мослашиш учун вақт керак – бу жуда қийин лига.

 Бироқ истеъдодлар кўп. Мен улар билан бирга мавсумолди йиғинга бордим, машғулотларини кўрдим ва катта таассурот олдим. Лекин, албатта, вақт ва сабр-тоқат талаб этилади ва бу ёш футболчилар ривожланиши керак.

Муваффақиятли даврларимизда жамоа ядроси бор эди ва биз унга бир ёки иккита ўйинчини қўшардик, кейин уларни тизимга ва клубга мослашиши анча осонлашарди. Агар жуда кўп ўзгаришлар бўлса, бу лигани ўрганиш ва тажриба орттириш учун ҳақиқатан ҳам вақт керак бўлади. Ҳам яхши, ҳам ёмон тажриба керак – футболда ҳаммаси осон эмас", – деди Гари Кэхилл.

Эслатиб ўтамиз, Гари Кэхилл "аристократлар" сафида 290 та ўйин ўтказиб, 25 та гол урган, икки карра Англия чемпиони бўлган ва Чемпионлар Лигасида ғолиб чиққан.