"Бунёдкор" стадионидаги иккита баҳс "Дўстлик Арена"га кўчирилди
17 авг 16:46
Янгиликлар

"Бунёдкор" стадионидаги иккита баҳс "Дўстлик Арена"га кўчирилди

Шу йилнинг 5-сентябрь санасида Ўзбекистон миллий терма жамоаси ЖЧ-2026 саралаши доирасида КХДР термасини қабул қилади.

Беллашувга Бунёдкор аренаси мезбонлик қилади.

Хабарингиз бор, ёзнинг чилласидан чиқиш Бунёдкор учун оғир кечди. Айни вақтда стадион парвариши учун масъул ташкилотлар сентябрь ойига қадар вазиятни ўнглаш устида ишламоқда. Атрофи трибуналар билан тўлиқ ўралган стадионлар майсаси август ойининг сўнгги 10 кунлигига келибгина ўзини тиклашни бошлайди. Бир йил муқаддам Бобур арена фойдаланишга топширилаётган вақтда ҳам шундай муаммо кузатилган, вазият сентябрга келиб ўнгланганди.

Ўзбекистон миллий терма жамоасининг мундиалга йўлланма олиши учун барча иш амалга ошириб келинмоқда. Бунда куз ойидаги расмий ўйинлар давомида стадионнинг ҳолати ҳам муҳим аҳамият касб этади. Шуни инобатга олган ҳолда Ассоциация, Лига ва Суперлига клублари ўзаро келишган ҳолда 17-турнинг Бунёдкор аренада ўтиши керак бўлган икки учрашувини истисно тариқасида Дўстлик стадионига кўчиришга қарор қилди. Эндиликда ЎзФҲМ мазкур аренада ВАР техникаси ишлаши юзасидан тегишли ишларни амалга оширишга киришади.

Шу тариқа "Локомотив" — "Қизилқум" беллашуви 24-август куни, "Бунёдкор" — ОКМК учрашуви эса 27-август куни "Дўстлик" стадионида ўтадиган бўлди. Лига “Спорт” телеканали билан мазкур ўзгариш юзасидан келишувни амалга оширгач, учрашувлар вақти масаласида бир тўхтамга келинади.

Ўзбекистон - КХДР учрашувини Олмалиққа кўчирсак бўлмайдими?

Ҳавола :

Манба : pfl.uz

Янгиликларни Телеграмда ўқинг!

Рейтинг: +11

Фикрлар

Энг яхшилар Охирги Биринчи

17 авг 17:17:27

Soccerland777

Мени комментимни раҳабарлар ўқишибди, ура!))))

фикрга жавоб бериш

17 авг 23:19:14

Davronbek Abduvaliev

Пахтакор стадионида хақида янгиликлар борми.

фикрга жавоб бериш

17 авг 23:19:04

Davronbek Abduvaliev

Пахтакор стадионида хақида янгиликлар борми.

фикрга жавоб бериш

17 авг 22:55:13

Goldberg

Мустакил буганимизга мана 33 йил бувоттики майдон чими муаммоси халигача бор. Нахотки шу пайтгача сифатли чим бн сифатли чим сугориш системасини хал кила олишмаса. Хамма соккани чунтега урвурмасдан керели нарсалага ишлатишганда чим хакида муаммо бумасди

фикрга жавоб бериш

17 авг 19:54:23

Neftci&Barca

Шу йилдан бошлаб терма командамиз ЖЧ саралашида ўйнашини била туриб Бунёдкор стадионини олдиндан тайёргарлик кўриб чемпионатдаги ўйинларни бошқа яқин стадионларга кўчириб туришсаку...Халигача ёддан чиқмайди ўша аламли ўйин Ўзбекистон-Ливан, ўша бунёдкор стадионидаги чимини чатоқлиги туфайли бизни терма зўрға 1:0 хисобда юткандик, агар ўша чимни яхшилашганда 3:0 га ютск бўларди ва ўш йили ЖЧ чиқиш имконияти бўларди. Бу сафар ҳам чим масаласи проблема бўляпди энг маъсулиятли ўйинлар олдидан. Хали Пахтакор элита лигасида ў йнаши бор шу бунёдкор стадионида...

фикрга жавоб бериш