Бруну Фернандеш: "Саудия Арабистонидан бўлган таклифни ўйлаб ҳам кўрмаганман"

"Жаҳон чемпионатидан қуруқ қоламан деб ўйлаб, Саудия Арабистонига боришни истамаганман деган гаплар рост эмас. Бу таклифларни ўйлаб ҳам кўрмаганман. "Манчестер Юнайтед"да қолишни истаганман, клуб ҳам шуни истаган, барчаси шу.

Бу борада бир нима дея олмайман, чунки бу гаплар менинг ёнимда муҳокама қилинмаган. Бўлган гапларни эса матбуот анжуманида очиқ гапириб берганман.

Ҳар бир ондан завқ олишим керак, лекин ҳозир асосийси - терма шарафини ҳимоя қилиш. Чунки термада ўйнаш - катта ғурур. Лекин келаси йили қаерда ўйнайман, "Манчестер Юнайтед"дами ёки бошқа жойда, буни билмайман.

Ҳозирги клубимдан мамнунман, акс ҳолда анча олдин кетган бўлардим. Ўтган гап-сўзлар эса менга ҳеч қандай таъсир қилмайди", - деди Бруну Фернандеш.