Брейтуэйт: “Леганес”га гол урсам, албатта, уни нишонлайман”

“Бу футбол ўйини. Мен эса ғолибман. Майдонга тушаётган вақтда 100 фоиз ғалабани кўзлаб тушаман. Шунинг учун бошқа нарсалар мени безовта қилмайди. “Леганес”га гол урсам, албатта, уни нишонлайман. Бу ўзига хос тарих эди, аммо у ҳақида жудаям кўп ўйламаяпман. Уларга қарши майдонга тушар эканмиз, мен учун энг муҳими ғалаба бўлади. Ушбу кайфиятни “Леганес”га қарши баҳсда ҳам сақлаб қолишга ҳаракат қиламан”, — дейди Брейтуэйт.

Эслатиб ўтамиз, Мартин феврал ойида “Леганес”дан можароли тарзда “Барселона”га ўтганди. Иккала клуб ўртасида баҳс эса 16 июнда бўлиб ўтиши режалаштирилган.