Боули сотишни ҳам билади. Ёзда кетган футболчилардан "Челси" қанча маблағ ишлаб олди?

Клубдагилар жамоанинг янги бош мураббийи Маурисио Почеттинонинг режасига кирмаган футболчиларни кетказиб юборди ва улардан яхшигина пуллар ишлаб олди.

Хўш, қайси футболчилар қанча маблағ эвазига "кўклар"ни тарк этди?

Кай Хавертц "Арсенал"га − 65 млн. фунт;

Мэйсон Маунт "Манчестер Юнайтед"га − £55 млн;

Матео Ковачич "Сити"га − £25 млн;

Калиду Кулибали "Ал Ҳилол"га − £17 млн;

Эдуар Менди "Ал Аҳли"га − £16 млн;

Рубен Лофтус-Чик "Милан"га − £15 млн.

Нголо Канте ва Сезар Аспиликуэта эркин агент сифатида жамоадан кетди. Умумий тушум эса 193 млн фунтни ташкил қилмоқда.

Шунингдек, Кристиан Пулишич, Пьер-Эмерик Обамеянг, Трево Чалоба ва Конор Галлахер каби футболчиларнинг кетиши ҳам деярли аниқ.