"Боруссия Д" хавбеки жамоадан кетмоқчи

Дортмунднинг "Боруссия" клуби ярим ҳимоячиси Жованни Рейна жамоани тарк этиш истагида. Бу ҳақда ESPN ўз манбаларига таяниб хабар берди.

Футболчининг агенти Англия, Испания ва Франциянинг кўплаб жамоаларига ўз хизматларини таклиф қилган. Устувор вариант – Ла Лига. "Асаларилар" америкалик футболчини 15 миллион еврога сотишга тайёр.

Рейна кўпроқ ўйин вақтини олиш учун ҳам ижара, ҳам тўлиқ трансферни кўриб чиқишга тайёр. 21 ёшли хавбек жорий мавсум Бундеслигада бор-йўғи 9 та ўйинда қатнашди ва ҳар бир ўйин ўртача 25 дақиқани майдонда ўтказди.