Боку Европа чемпионати баҳсларини қабул қилишга тайёр
17 апр 2020 23:58
Янгиликлар

Боку Европа чемпионати баҳсларини қабул қилишга тайёр

Озарбойжон футбол федерациялари ассоциацияси Европа футбол уюшмалари иттифоқига (УЕФА) 2021 йилда ўтказиладиган Европа чемпионати ўйинларини қабул қилишга тайёрлигини тасдиқловчи хабар юборди.

Бу ҳақида ташкилотнинг расмий сайти маълум қилган. Мамлакат пойтахти Боку шаҳрида турнирнинг 4та ўйини ўтказилиши керак: A гуруҳидан ўрин олган 3та баҳс ва чорак финал учрашувларидан бири.

Хабарингиз бор, 2020 йилнинг ёзида ўтказилиши керак бўлган Европа чемпионати коронавирус пандемияси сабабли 2021 йилнинг 11 июнидан 11 июлига қадар бўлиб ўтиши режалаштирилмоқда. Турнир қитьанинг 12 шаҳрида (Санкт-Петербург, Лондон, Мюнхен, Боку, Рим, Бухарест, Дублин, Копенгаген, Бильбао, Глазго, Будапешт ва Амстердам) ўтказилади.

Ҳавола :

Манба : uefa.com

Янгиликларни Телеграмда ўқинг!

Рейтинг: +1