Бэйл "Реал"дан кетишини эълон қилди

32 ёшли уэльслик футболчи Мадрид клубида 2013 йилдан бери ҳаракат қилаётган эди.

"Буни жамоадаги олдинги ва ҳозирги шерикларимга, шунингдек мураббийларга, "Реал" ходимлари ва мени қўллаб қувватлаган мухлисларга миннатдорчилик билдириш учун ёзяпман. "Реал"га тўққиз йил олдин жуда ҳам ёш пайтимда орзуимни рўйобга чиқариш ва ушбу клубда ўйнашни хоҳлаб келганман. Мен "Реал" либосида, кўкрагимда "Реал" рамзида "Сантяьго Бернабеу"да ўйнашни, кубокларни қўлга киритишни ва буюк клубнинг бир қисми бўлишни хоҳлаганман. Ҳозир ортга қарар эканман, тўғрисини айтсам, орзуим рўйобга чиққанини кўряпман ва ҳатто ортиғи билан. "Реал"нинг бир қисми бўлиш ва биз биргаликда эришганларимиз - ажойиб тажриба ва буни ҳеч қачон унутмайман. Бу мен учун ғурур эди. Раҳмат!", - деб ёзди Бэйл ижтимоий тармоқда.

Ҳужумчи "Реал" таркибида 3 бор Ла Лига ғолиби, биттадан Испания Кубоги ва Суперкубоги, 5 бор Чемпионлар Лигаси, 2 бор УЕФА Суперкубоги ва 4 бор клублар ўртасидаги ЖЧда ғолиб бўлди.