"Буни ҳам бекор қилинг-чи", — дейилади Белгия терма жамоасининг матбуот хизмати тақдим этган хабарда. Ушбу сўзлар Ромелу Лукакунинг америкаликлар дарвозасига тўртинчи голни ургандаги сурати остига ёзилган.
Эслатиб ўтамиз, бельгияликларга қарши ўйин олдидан АҚШ терма жамоаси ФИФА томонидан ёрдам олган эди, чунки ташкилотнинг интизом қўмитаси жамоанинг энг яхши тўпурари Фоларин Балогуннинг дисквалификациясини тўхтатиб турганди. Бу қарор ФИФА шаънига жуда кўп танқидлар ёғилишига сабаб бўлди — айниқса АҚШ президенти Дональд Трамп ушбу масала бўйича Халқаро футбол федерацияси президенти Жанни Инфантинога шахсан ўзи қўнғироқ қилганини тан олганидан кейин бу норозиликлар янада кучайди.
