UZ

Сўнгги янгиликлар

02:41Яна бир собиқ футболчи ҳибсга олинди   0 02:00Olamsport: Ўзбекистонлик Олимпия ўйинлари совриндори боксга қайтмоқда, Нурмагомедовнинг Тошкентдаги рақиби ўзгарди  0 01:48"Милан" Ибрагимович билан музокараларни бошлади  1 01:07Боятанинг Батшуайи либосида майдонга чиққани қимматга тушиши мумкин  1 00:37"Бавария" "Тоттенхэм"нинг 17 ёшли футболчисига қизиқиб қолди  0 23:47Левандовски: "Мен 31 ёшдаман, аммо буни ҳис қилмаяпман"  0 23:23Узоқ кутилган хабар: Роналду уйланди  19 23:09"Манчестер Сити" Стерлингнинг маошини яна оширади  1 22:53"Арсенал" ярим ҳимоячиси Милан клубларига керак  1 22:40МЮ "Рома" ҳужумчисига қизиқиб қолди  1 22:22Жозе Моуринью қишда кимни харид қилади?  20 22:02Фарғона вилояти кубоги. Ярим финалнинг биринчи баҳсида “Имкон” йирик ҳисобда ғалаба қозонди  3 21:45"Агар "Бавария" менга эътибор қаратса, аниқ "йўқ" деб жавоб бераман"  4 21:20Жошуа Киммих: "Почеттино – топ-мураббий. Унинг номзоди муҳокама қилинмоқдами ёки йўқ, буни билмайман"  1 21:00Ўзбекистон футбол ассоциациясида ёш ҳакамлар семинари бўлиб ўтди  3

BeIN Sports журналисти: "Мусобақа давомида Япония, Эрон ва Ўзбекистонни кузатаман" Янгиликлар

BeIN Sports журналисти: "Мусобақа давомида Япония, Эрон ва Ўзбекистонни кузатаман"

Ўзбекистон - Уммон баҳсига ниҳоятда кам вақт қолмоқда.

Бугун Ўзбекистон миллий терма жамоаси учун жуда муҳим кун. Чунки вакилларимиз Осиё Кубоги-2019 мусобақасидаги иштирокни бошлайди. Дастлабки баҳс Шаржа шаҳрида Уммон терма жамоасига қарши кечади. Ушбу баҳс биз учун қанчалик муҳим эканини ҳамма бирдек тушуниб турибди. 

"Шаржа Стэдиум"даги медиа марказда иш қизғин. Бу ерда турли мамлакатлардан ташриф буюрган ҳамкасбларимиз ўйинолди ўз фикрларини билдиришяпти. Шулардан бири Қатарнинг BeIN Sports компанияси тележурналисти Али Рияҳ. 2000 йил Ливанда ўтказилган Осиё Кубогидан бери мунтазам қитъа биринчиликларида ишлаб келаётган Али Рияҳ ўз мутахассислиги бўйича катта тажрибага эга. У билан ўйин олдидан қисқача суҳбат қурдик. 

- Бугун бўлиб ўтадиган Ўзбекистон - Уммон учрашуви ҳақида қандай фикрдасиз?
- Менимча, бу ўйин кўпроқ Уммон учун қийин бўлади. Ўйлайманки, Ўзбекистон термаси унчалик қийинчиликка дуч келмайди. Чунки тактика ва ўйин томонлама Ўзбекистонни кучли деб ўйлайман. Менимча, бу мусобақада Ўзбекистон сюрприз тақдим этадиган жамоалардан бири бўлади. Натижа ҳақида бирон гап айтишим қийин, негаки кўп ҳам башорат қилмайман. 

- Сизнингча, ҳар икки жамоанинг кучли ва кучсиз томонлари нимада?
- Иккала жамоада ҳам аввало ҳимоя чизиғи кучли деган бўлардим. 

- Бугун ҳимоявий ўйин кўрамизми?
- Менимча, очиқ ўйин бўлади. Икала жамоа ҳам фақат ғалаба учун ўйнайди деб ўйлайман. 

- Бугунги баҳсда кўпроқ қайси футболчини кузатасиз?
- Биринчи навбатда Игнатий Нестеровни. Чунки ушбу Осиё Кубоги унинг учун бешинчиси бўлади, шу боис моҳир дарвозабонга алоҳида эътибор қаратмоқчиман. Нестеров бешинчи марта Осиё Кубогида иштирок этаётган ягона футболчи, шунинг учун унга алоҳида эътибор бераман. 

- Эктор Купер қўл остида ўтган биронта учрашувни кўрдингизми?
- Йўқ, бу биринчиси бўлади. Мен одатда қитъа миқёсидаги йирик турнирларда ишлайман: Осиё Кубоги, Чемпионлар лигаси, ёшлар ва ўсмирлар ўртасидаги Осиё чемпионатлари. Шу боис ўртоқлик ўйинларини кузатишга кўп вақт бўлмайди. Кеча ўтказилган матбуот анжуманида Эктор Купер ўйин услубимизда ўзгариш бўлади деб айтди. Менимча, жамоангиз бугун ҳужумкор футбол намойиш этади. 

- Ўзбекистон терма жамоаси иштирокидаги қайси ўйинлар ёдингизда қолган?
- Ироқ билан кечган ҳар бир учрашувни яхши эслай оламан. Чунки мен ироқликман ва жамоамиз ўйинларини қолдирмай кўриб бораман. Тошкентдаги беллашувлар ҳам ёдимда қолган. 

- Тошкентда неча марта бўлгансиз?
- Жуда кўп. Охирги марта 2011 йил боргандим. Шундан бери орадан қарийб 8 йил ўтибди. 

- Осиё Кубоги-2007да Ироқ терма жамоаси ўзига хос шов-шув кўтариб чемпион бўлганди. Бу мусобақада ҳам қайсидир жамоа сенсация кўрсата оладими?
- Шундай бўлиши мумкин. 1-турдаги ўйинларни кўряпмиз, ким ғалаба қозонишини олдиндан айтиш қийин бўлиб қолди. Шундай экан, исталган жамоа ярқ этиб порлаши мумкин. Бу мусобақада ҳар бир учрашув катта аҳамиятга эга. 

- Сиз мусобақада давомида кузатиб борадиган учта жамоа номини айта оласизми?
- (Бироз ўйланиб) Ироқни бу рўйхатга қўшмай турамиз, чунки Ватаним жамоасини ҳар доим кузатаман. Бошқа жамоалардан эса Япония, Эрон ва Ўзбекистон иштирокидаги ўйинларини кўриб боришга ҳаракат қиламан. 

Х.Холиқов суҳбатлашди.

Рейтинг: +27   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг