"Нагельсманн биздан доимо тезроқ ва эффектив ҳужум қилишимизни талаб қилди. Тухель эса назоратга кўпроқ эътибор беради, у билан хотиржам ва шошилмасдан пас ўйнаш керак. Бу икки хил фалсафа, бироқ иккиси ҳам муваффақиятга элтиши мумкин.
Томас билан яхши муносабат қурдик. У бизга, биз эса унга яхши маълумотлар етказяпмиз. Майдонда ҳам, унинг ташқарисида ҳам жуда кўп суҳбатлашамиз", - деди ҳимоячи.
Эслатиб ўтамиз, Томас Тухель март ойида "Бавария" бошқарувига келди ва унинг бошқарувида Бундеслига чемпионлигини сақлаб қолди.
