"Бавария" футболчиси кечирим сўради

"Реал"нинг иккинчи голидан аввал Ульрайх тўпни қўли остидан ўтказиб юборди ва рақиб ҳужумчиси Карим Бензема бўш дарвозани ишғол қилди.

"Чемпионлар лигасини тарк этганимиздан қанчалик хафа эканлигимни тасвирлаб бера олмайман. Финалга чиқишни жуда қаттиқ истаган эдик ва қўлимиздан келган барча ишни қилдик. Мен билан қўпол хато юз берди. Буни тушунтириб беришим қийин. Кечиринг... Жамоам ва мухлислардан узр сўрайман" - деб ёзди дарвозабон "Инстаграм"даги саҳифасига.