"Бавария" Дэвиснинг маошини кўтариш орқали "Реал"га кетишини тўхтатмоқчи, аммо...
11 фев 2024 14:25
Янгиликлар

"Бавария" Дэвиснинг маошини кўтариш орқали "Реал"га кетишини тўхтатмоқчи, аммо...

"Бавария" ва Канада терма жамоаси ҳимоячиси Альфонсо Дэвис мудофаанинг чап қанотини кучайтириш учун "Реал"нинг асосий мақсади ҳисобланади.

Аммо, Мюнхен клуби ўйинчини сақлаб қолиш учун уринишда давом этади.

"Бавария" вакиллари Дэвиснинг агенти билан учрашишди ва футболчининг маошини бир мавсум учун 15 млн еврогача кўтармоқчи эканликларини маълум қилишди. Бу уни немис клубидаги энг кўп ҳақ оладиганлардан бирига айлантиради ва "Реал"нинг таклифини кўтаради. Аммо, Дэвис Испанияга йўл олишни истамоқда.

Канадалик 2019 йилнинг қишидан бери "Бавария"да ўйнайди. Унинг шартномаси 2025 йилнинг ёзига қадар мўлжалланган. Дэвис жорий мавсум барча мусобақаларда 27та ўйинда майдонга тушиб, 1та гол ва 3та ассист қайд этди. Transfermarkt чап ҳимоячини 70 млн еврога баҳоламоқда.

Ҳавола :

Манба : todofichajes.com

Янгиликларни Телеграмда ўқинг!

Рейтинг: