"Барселона" юлдуз ҳимоячисини сотиши мумкин

Уругвайлик футболчи январь ойида "кўк-анорранглилар" билан 2031 йилгача мўлжалланган янги узоқ муддатли шартнома имзолади, аммо бу футболчи жамоада узоқ вақт қолади дегани эмас. 

Журналист Ашраф Бен Аядга кўра, "Барселона" Араухони сотишга очиқ. Каталония гиганти раҳбарияти молиявий нуқтаи назардан фойдали деб ҳисоблаган таклифларни кўриб чиқади.

Рональд Араухо ўтган мавсум Ханс-Дитер Флик жамоасида 25 ўйинда майдонга тушиб, 2 та гол урди ва 1 та голли пас узатди. Transfermarkt порталида 25 ёшли футболчининг тахминий баҳоси 35 миллион евро деб кўрсатилган.