"Барселона" "Вулверхэмптон" хавбеки Невешни харид қилмоқчи

25 ёшли португалиялик Каталония клубининг ёзги трансфер ойнасидаги мақсадига айланди.

Қайд этиш керакки, "Барселона" вакиллари ярим ҳимоячининг агенти Жорже Мендешга мижози билан шартнома имзолаш учун бор кучларини ишга солишларини маълум қилди.

Шу билан бирга, "Вулверхэмптон" Невеш учун яхшигина товон пули хоҳламоқда, аммо Мендеш каталонияликларга трансфернинг амалга ошиш имконияти борлигини айтди.

Невеш ўтган мавсум "Вулвс" сафида 36та ўйинда майдонга тушиб, 4та гол ва 2та ассист қайд этди. Хавбекнинг Англия клуби билан шартномаси 2024 йилнинг 30 июнига қадар мўлжалланган.