Баҳром Ҳайдаров: "Майдон ҳолатини ҳисобга олсак, комбинацион ўйин намойиш этиш қийин эди"
21 ноя 2024 17:18
Янгиликлар

Баҳром Ҳайдаров: "Майдон ҳолатини ҳисобга олсак, комбинацион ўйин намойиш этиш қийин эди"

Про лига 27-туридан ўрин эгаллаган "Дўстлик" – "Қўқон-1912" (0:1) учрашувидан кейин қўқонликлар устози Баҳром Ҳайдаров фикрларини билдирди.

"Майдон ҳолатини ҳисобга олсак, комбинацион ўйин намойиш этиш қийин эди. Ким кўпроқ узун паслар билан ўйнаса ва яккакурашларга эътибор қаратса, ўша жамоа ғолиб чиқишини тахмин қилгандик.

Биринчи бўлимда устун кўринган бўлсак-да, лекин ўйиндан қониқмадим. Йигитларни учрашувга тайёрлаш қийин бўлди. Айниқса, "Дўстлик" охирги ўринда бўлгани учун. Бу нарса ўйинда салбий таъсирини кўрсатди.

Танаффусда болалар билан гаплашиб олдик ва улар иккинчи бўлимда ўзларига келишди. Ўйлайманки, натижа ўйинга мос бўлди", – деди Ҳайдаров.