Баҳодир Носировнинг оиласига таъзия билдирамиз

1947 йилнинг 25 октябрида таваллуд топган Баҳодир Носиров фаолиятини 80-йилларда "Пахтакор"да бошлади. 90-йилларга келиб жамоа бошлиғи лавозимига кўтарилган мутахассиснинг қўл остида клуб олий лигага қайтди. Жамоани Ўзбекистон чемпионатида қўлга киритган илк чемпионлигида ҳам у кишининг ҳиссаси катта бўлди. Футболдан бироз танаффусга чиққан мутахассис кейин "Дўстлик" бошқарувини ўз қўлига олди ва иккинчи марта Ўзбекистон чемпиони деган унвонни қўлга киритди. Шундан сўнг МТЖда жамоа бошлиғи сифатида фаолият олиб борди. У кишининг фарзанди Борийхон Носиров 2002 йил Виктор Борисов бошқарувидаги Ўзбекистон ёшлар терма жамоаси сафида Осиё чемпионатида тўртинчи ўринни қўлга киритган эди.

Баҳодир Носировнинг жанозаси бугун асрга белгиланган. 

Унинг оила аъзоларига чуқур ҳамдардлик билдирамиз.