Баҳодир Аҳмедов: "Иккинчи бўлим бошида ҳушёрликни йўқотдик"
05 фев 2018 23:07
Янгиликлар

Баҳодир Аҳмедов: "Иккинчи бўлим бошида ҳушёрликни йўқотдик"

Футзал бўйича Ўзбекистон терма жамоаси бош мураббийи Баҳодир Аҳмедов Японияга қарши (2:4) кечган Осиё чемпионати “B” гуруҳи 3-тур учрашувидан кейин матбуот анжуманида иштирок этиб, қуйидаги фикрларни билдирди.

“Ўйинни ёмон ўтказмадик, аммо рақибга нисбатан кўпроқ хатога йўл қўйдик. Шу сабабли Япония бизни жазолади ва биз мағлубиятга учрадик. Иккинчи бўлим бошида ҳушёрликни йўқотдик ва тезкор гол ўтказдик. Якунда бу ўйин натижасига ҳам таъсир қилди. Кейинги ўйинда хатоларни бартараф қилиб, яхшироқ ўйин намойиш қилишга ҳаракат қиламиз”, – деди Баҳодир Аҳмедов.

Маълумот учун, “А” гуруҳида Вьетнам терма жамоаси 1-ўринни эгаллади. Демак, Ўзбекистон термаси 8 февраль куни айнан Вьетнамга қарши баҳслашади. Ушбу ўйин Тошкент вақти билан 16:00 да бошланиши кўзда тутилган.