БАА U-23 бош мураббийи 1:5дан кейин: "Битта хатодан кейин ўйинимиз сочилиб кетди"
19 янв 2020 20:37
Янгиликлар

БАА U-23 бош мураббийи 1:5дан кейин: "Битта хатодан кейин ўйинимиз сочилиб кетди"

U-23 Осиё чемпионати доирасидаги БАА - Ўзбекистон (1:5) учрашувидан сўнг БАА бош мураббийи Мацей Скоржа матбуот анжуманида қатнашди.

"Биз ўйинни яхши бошладик. Кейин эса битта хатодан кейин ўйинимиз сочилиб кетди. Ўзбекистон эса ўзини қўлга олди. VAR орқали пенальти қўйилиши ҳам таъсир қилди. Пенальти бермаса ҳам бўларди назаримда. Бизда шунингдек Иордания билан ўйиндан кейинги чарчоқ ҳам сезилди.

Балки менинг хатоим кўпроқ захира ўйинчиларини туширмаганим бўлгандир. Улар кучга тўла эди. Ўзбекистон ўйинни қуришда ҳам устунлик қилди.

Бизга майдон марказида фаоллик етишмади. Рақиб эса аксинча майдон марказида актив бўлди. Ўзгаришларни шунга амалга оширдим", - дейди БАА устози.