Азар: "Зидан менинг кумирим эди, оқ футболка эса бенуқсондек туюлаверарди"
16 янв 2020 01:52
Янгиликлар

Азар: "Зидан менинг кумирим эди, оқ футболка эса бенуқсондек туюлаверарди"

Мадриднинг "Реал" клуби вингери Эден Азар жамоа бош мураббийи Зинедин Зидан ҳақидаги фикрлари билан ўртоқлашди.

"Авваллари уйда ўзимни "Реал"да ўйнаётганимни тасаввур қилиб тўп тепардим. Зидан менинг кумирим эди, оқ футболка эса бенуқсондек туюларди.
Футболчи сифатида биз у билан бошқа хил услуб эгаларимиз. Зидан техника борасида мендан кучлироқ эди. Унга қарасангиз, футболни чиндан ҳам яхши кўришини тушунасиз. У менга Евро-2016 мусобақаси ўтказилаётган маҳалда қўнғироқ қилиб мени "Реал"да кўришни хоҳлаётганини айтганди.
Зидан машғулотларни доим тўп билан ўтказади. Мен сўнгги 3 йилни италиялик мутахассислар билан ўтказдим ва унчалик қониқмадим. Энди ўзимга ёққан нарсаларни қайта кашф қилмоқчиман", – дейди Азар.

Ҳавола :

Манба : Marca

Янгиликларни Телеграмда ўқинг!

Рейтинг: +18