Азар: "Ҳали ҳамон "Реал"да ўйнаш менинг орзум"

"Ўшанда ҳамма менинг фикримни тўғри тушунди, деб ўйлайман. Карим Бензема менга микрофонни берганида нима дейишни билмай қолдим. Бу гаплар миямда тезда пайдо бўлди.

"Реал"га ўтишим - фаолиятимнинг энг юқори чўққисида амалга ошганди. Дунёнинг энг яхши клубига яхши ҳолатда етиб келгандим. Аммо барчаси ўйлагандек бўлмади. Жахлим чиқди ва кайфиятим тушиб кетди. Шахсий ҳаётимда ҳам кўплаб ёмон ҳолатлар бўлди. Бироқ барчаси ҳам дахшатли даражада эмасди.

Ажойиб инсонлар билан кўришдим, топ-футболчилар билан бир жамоадаман. Шартномам яна икки мавсум давом этади. Шу сабабли келаси мавсумда ҳеч бўлмаса нормал даражада ўйин кўрсатишим керак. Ёзда ўзимнинг юқори жисмоний ҳолатимга қайтиб олишга ҳаракат қиламан. Мени олдинда мўъжизакор йиллар кутиб турганига ишонаман. Шунчаки ўзимга ишонишим ва танамни ўзимга бўйсундиришим керак.

Мураббий ҳам шартномам яна 2 йил амал қилишини билади. Дастлабки 3 йил ёмон ўтди. Бироқ барчага ҳали қандай футболчилигимни кўрсатишим керак. "Реал"да ўйнаш ҳали ҳамон менинг орзум. Оилам бу ерда бахтли, энди мухлисларни ҳам хурсанд қилишим керак", - деди ярим ҳимоячи.