Австралия ЖЧ-2034 мезбонлиги учун курашмоқчи
05 окт 2023 20:04
Янгиликлар

Австралия ЖЧ-2034 мезбонлиги учун курашмоқчи

Аввалроқ Саудия Арабистони ушбу йилда ўтказиладиган мезбонлиги учун асосий даъвогар эканлиги айтилганди.

Австралия футбол федерацияси бошқарув директори Жэймс Жонсон мамлакат 2034-йил ўтказиладиган Жаҳон чемпионати финал босқичига мезбонлик қилиш имкониятларини ўрганиб чиқаётганини маълум қилди.

Эслатиб ўтамиз, 2030 йилги Жаҳон чемпионати умумий ҳисобда олтита мамлакатда ўтказилади. ФИФА ташкилоти ЖЧ-2030 мезбонлигига Испания, Марокаш ва Португалия мамлакатларини тасдиқлади. Ташкилот бу уч мамлакат тақдим қилган умумий лойиҳани ғолиб деб топди.

Бундан ташқари, Жаҳон чемпионатининг 100 йиллиги муносабати билан Уругвай, Аргентина ва Парагвай терма жамоалари биринчи учрашувларини ўз мамлакатларида ўтказадилар. Жаҳон чемпионатининг очилиш ўйинига Уругвай мезбонлик қилади. 1930 йилги Жаҳон чемпионати айнан Уругвай мамлакатида ўтказилганди.

Ҳавола :

Манба : Football Australia

Янгиликларни Телеграмда ўқинг!

Рейтинг: +2