“Атлетико” “Реал”га “чемпионлик йўлакчаси”ни нега ташкиллаштирмаслиги ҳақида баёнот берди

Анъанага кўра, кейинги турларда рақиб жамоалар мусобақа ғолиби учун “чемпионлик йўлакчаси” ташкил қилиши керак. Бироқ, “Атлетико” 8 май куни ўтадиган ҳамшаҳарларига қарши баҳсда бундай қилмаслиги ҳақида баёнот берди.

“Атлетико” спортнинг асл қадриятлари бутунлай унутилган, мухлислар ўртасидаги кескинлик ва қарама-қаршиликни рағбатлантирадиган бу каби маросимда ҳеч қачон иштирок этмайди. Охирги йилларда турли мусобақаларда, жумладан, икки бор лигада муваффақиятга эришганимиздан кейин бир нечта шунга ўхшаш ҳолатларга дуч келдик ва баъзи ҳолларда рақиб чемпионга хурмат кўрсатди, бошқалари эса бундай қилмади, аммо уларнинг эмоциялари сунъий ва жуда бўрттирилгандек таасурот қолдирди. Сўнгги ҳафталарда биз бошдан кечираётган давр ҳам олдин кузатилмаганди”, дея хабар берган клуб матбуот хизмати.

Эслатиб ўтамиз, “Мадрид дербиси” 8 май куни соат 23:59 да старт олади.