"Атлетико", ПСЖ ва Франция терма жамоаси собиқ ҳужумчиси 37 ёшида фаолиятини якунлади
18 мар 14:21
Янгиликлар

"Атлетико", ПСЖ ва Франция терма жамоаси собиқ ҳужумчиси 37 ёшида фаолиятини якунлади

37 ёшли ҳужумчи Кевин Гамейро профессионал фаолиятини якунлаганини эълон қилди.

"Майдонда ўтказилган ҳар бир лаҳза хотирамда, лекин энг аввало қалбимда муҳрланиб қолади. Аммо, ҳаётимнинг бу ажойиб бобини фахр ва соғинч оҳангида якунлаш вақти келди. Саҳифа алмашади, аммо футболга бўлган муҳаббат абадий қолади," - деб ёзди футболчи ижтимоий тармоқда.

Гамейронинг сўнгги клуби "Страсбур" бўлиб, у 2024 йилнинг ёзида клубни тарк этганди.

Шунингдек, француз "Лорян," ПСЖ, "Севилья", "Атлетико" ва "Валенсия" клубларида ҳам ўйнаган. У тўрт карра Европа Лигаси ғолиби, Франция чемпиони ва Испания кубоги соҳиби ҳисобланади.

Гамейро Франция терма жамоаси сафида 13 та ўйинда майдонга тушиб, 3 та гол урган.

Ҳавола :

Манба : instagram.com/kevingameirooff

Янгиликларни Телеграмда ўқинг!

Рейтинг: +1