Асрор Алиқулов: "Сўғдиёна" бугун бор кучи билан ўйнашини тахмин қилгандик"
29 мар 23:25
Янгиликлар

Асрор Алиқулов: "Сўғдиёна" бугун бор кучи билан ўйнашини тахмин қилгандик"

Суперлиганинг 3-туридан ўрин олган "Машъал" - "Сўғдиёна" (1:0) учрашувидан сўнг мезбонлар бош мураббийи Асрор Алиқулов матбуот анжуманида ўз фикрларини билдириб ўтди.

"Авваламбор барча юртдошларимизни Рамазон ҳайит айёми билан табриклайман. "Сўғдиёна" жамоаси дастлабки 2 та турдаги мағлубиятдан сўнг бугун борини бериб ўйнашини тахмин қилгандик. Шунга мос равишда тайёргарлик кўрдик.

"Машъал" жамоамизга бефарқ бўлмаган барча мухлисларни Суперлигада қайд этилган ғалаба билан табриклайман. Ишлайдиган жиҳатларимиз кўп. Таркибимиздаги айрим ёш футболчиларда ўзларига ишонч етишмаяпти. Улар ҳам ўйиндан-ўйинга Суперлига ҳавосига мослашиб боришади", - дейди муборакликлар устози.