Ўйин ҳақида
- Биринчи навбатда "Пахтакор"ни ғалаба билан табриклаймиз. Қолдирилган ўйин бўлса ҳам бу аслида мавсум старти эди. Мухлислардан бугунги натижа учун узр сўраймиз. Камчиликларимиз кўриниб қолди. Кўп жиҳатлар бўйича "Пахтакор"га ютқаздик.
- Баъзи жамоалар "Пахтакор"дан ҳайиқиб майдонга тушишади. Бугун руҳий устунлик мезбонларга устунлик бердими?
- Тўғри айтаяпсиз, бу руҳият билан боғлиқ. Биринчи ўйинимизда ҳам ҳаяжон сезилганди. Бугун аввалги ўйиндан фарқли тарзда руҳий томонлама ютқаздик. Айрим футболчиларга тажриба етишмади.
- Салифуни эрта алмаштирилишига сабаб нима? У қанчалик мавсумга тайёр?
- Салифуда жисмоний томонлама муаммолар бор. Бугун мезбонларнинг тезкор футболчиларини ёпишда улгурмай қолди. Шунингдек, унда жароҳат ҳам бор эди.
- Кейинги ўйин жамоанинг руҳий босимдан олиб чиқиб кетиш учун қандвй ишларни амалга оширмоқчисиз?
- Кўриб чиқиб, хулосалар қиламиз. Кейинги ўйин "Андижон" билан, уларга тўлиқ қаршилик кўрсатишга ҳаракат қиламиз. Бугун кўп футболчиларимизда ўйинга руҳан тайёр эмаслиги кўриниб қолди.
