Аслиддин Тоштемиров: "Биз осонликча ютқазмаймиз. Ютқазадиган жамоа ҳам эмасмиз"

"Бугунги ўйин унутилмас таассурот қолдирди. Бизга ғалаба зарур эди. Сабаби, икки ўйиндан бери сафардаги учрашувларда муваффақиятсизликка учраётгандик. Ўзимизга бўлган ишонч юқори эди ва буни исботладик. Мухлисларимиз олдида юзимиз ёруғ бўлди. Уларга миннатдорчилик билдираман. "Насаф"га қарши ўз майдонимиздаги беллашувда уларнинг кўмагига муҳтожмиз. 

Учрашувнинг дастлабки дақиқаларида 5-3-2 схемасида ҳаракат қилдик ва бу бироз қийинчилик туғдирди. Гол ўтказиб юборгач, 4-4-2 тактикасига ўтдик ва майдонда ҳаракат қилиш енгиллашди. Бизга қийинчилик туғдирган жиҳат бешта ҳимоячи билан ўйнаётганимиз бўлдик, сабаби орқа чизиққа жойлашиб қолдик. 

Кейинги уч ўйинни Суперлиганинг амалдаги учта совриндорига қарши ўтказамиз. Ҳа, биз бунга тайёрмиз. Биз осонликча ютқазмаймиз. Ютқазадиган жамоа ҳам эмасмиз. Исталган рақиб билан курашишга тайёрмиз. 

Жамоамизда ёшларнинг иқтидорини юзага чиқаришга кўпроқ урғу берилган. Сезган бўлсангиз, таркибда катта ёшли футболчилар кам. Гапнинг чинини айтган маъқул, бизга турнир жадвалининг ўрталиғида мувозанат сақлаш вазифаси қўйилган ва буни уддалаяпмиз деб ўйлайман", деди 23 ёшли футболчи.