"Арсенал" Субименди учун 60 млн евро таклиф қилди, футболчи рад жавобини берди
23 янв 2023 12:40
Янгиликлар

"Арсенал" Субименди учун 60 млн евро таклиф қилди, футболчи рад жавобини берди

"Арсенал" "Реал Сосьедад" ярим ҳимоячиси Мартин Субименди учун 60 млн евро таклиф этди, деб хабар берди "The Sun".

"Канонирлар" 23 ёшли испанияликни сотиб олиш учун унинг шартномасида кўрсатилган вариантни фаоллаштирди, бироқ футболчининг ўзи трансфердан бош тортди. Ярим ҳимоячи ўтган йилнинг октябрь ойида "Сосьедад" билан келишувини 5 йилга узайтирган ва мавсум ўртасида клубни тарк этишни истамаяпти.

Субименди "Реал Сосьедад" тарбияланувчиси бўлиб, 2022/23 йилги мавсум жамоа сафида барча мусобақаларда 27 та ўйинда қатнашиб, 1 та гол урди ҳамда 3 та голга ассистентлик қилди.

Transfermarkt портали ярим ҳимоячини 40 миллион еврога баҳоламоқда.

Ҳавола :

Манба : The Sun

Янгиликларни Телеграмда ўқинг!

Рейтинг: +1