Арсен Венгер: "Роналду "Арсенал"га ўтиши керак эди"
03 сен 2021 19:43
Янгиликлар

Арсен Венгер: "Роналду "Арсенал"га ўтиши керак эди"

"Арсенал" собиқ бош мураббийи Арсен Венгер Криштиану Роналдунинг "Манчестер Юнайтед"га қайтиши ҳақида гапирди.

"Футболда ҳиссиётга бой сабаблар роль ўйнайди. Менимча, ушбу қарор 100% мақсадга мувофиқ эмас. Жамоа мувозанатини ушлаб туриш — катта муаммо. Тажрибали футболчилар ҳали ҳам кўп гол уришади.
Менимча, Алекс Фергюсон трансферда катта роль ўйнади. Роналду ўз вақтида "Арсенал"га келиши керак эди, Фергюсон эса уни мендан тортиб олди. Ҳозир у бу ишини "Сити" билан беллашувда намоён қилди.
Роналду деярли бизнинг базамизда эди. Аммо Сер Алекснинг ёрдамчиси Карлуш Кейруш уни 18 ёшли Роналдуни сотиб олишга ишонтирди.
Биз фақат тўрт миллион евро тўлай олишимиз мумкин эди. "Манчестер Юнайтед" эса 12 миллион сарфлаганди", — деди франциялик мутахассис.

Ҳавола :

Манба : Bild

Янгиликларни Телеграмда ўқинг!

Рейтинг: +23