Қозоғистон термаси футзалчиси Арнольд Кнауб: "Португалия билан баҳс ҳақиқий жангга айланиб кетди"
27 сен 11:50
Янгиликлар

Қозоғистон термаси футзалчиси Арнольд Кнауб: "Португалия билан баҳс ҳақиқий жангга айланиб кетди"

Жаҳон чемпионати нимчорак финалидан ўрин олган Португалия – Қозоғистон (1:2) учрашувидан сўнг қозоғистонликлар аъзоси Арнольд Кнауб микст-зонада фикрларини билдирди.

- Ўйин ҳақида

- Биз учун қийин учрашув бўлди. Жароҳатланганлар кўп ва захира кучимиз кам эди, қўшимчасига жаҳон чемпионига қарши ўйнаётгандик. Баҳс ҳақиқий жангга айланиб кетди. Бу сафар ғалаба биз томонда бўлди, ўтган ЖЧдаги мағлубият аламини олдик.

- Чорак финалдаги рақиб Аргентина ёки Хорватия бўлади. Сизларга қайси бири қулайроқ?

- Биз мусобақага фақат ғалаба учун келганмиз. Ҳар қандай кучли жамоага қарши ўйнашга тайёрмиз. Аслида бугун уйга қайтишимиз ҳам мумкин эди. Оилмам мени бугун кутмаслигини ва келмаслигимни айтганди (кулади).

- Мухлислар "Универсал" спорт мажмуасида ажойиб атмосферани яратишди...

- Ҳа, албатта, бундай атмосферада ўйнаш жуда ёқимли. Мухлисларга раҳмат. Ўзимизни уйимизда ўйнаётгандек ҳис қиляпмиз ва боримизни беряпмиз.

Ҳавола :

Манба : Championat.asia

Янгиликларни Телеграмда ўқинг!

Рейтинг: +3