"Эвертон" яна жазоланди. АПЛ матбуот хизмати Мерсисайд клуби яна икки очкони йўқотгани ҳақида хабар берди. Сабаби ўша-ўша – молиявий фэйр-плей қоидаларини бузиш.
Аввалроқ жамоадан 10 очко олиб ташланганди. Бунинг устидан "Ирислар" апелляция шикоят қилган ва текширув натижасида клубга 4 очко қайтариб берилганди.
"Эвертон" айни пайтда турнир жадвалида 15-ўринни эгаллаб турибди. Жамоа навбатдаги турда "Челси" меҳмони бўлади.
