АПЛ етакчиси Кубони сотиб олмоқчи

Манбанинг хабарига кўра, "Ливерпуль" аллақачон 22 ёшли япониялик вингернинг трансфери борасида испан клуби билан боғланган, бироқ у мерсисайдликлар сафига ўтишдан бош тортган. 

Қайд этилишича, Кубо мавсумни “Реал Сосьедад”да якунлашга қарор қилган. "Ливерпуль" вингерга қизиқишни йўқотгани йўқ ва уни ёзги трансфер ойнасида яна сотиб олишга ҳаракат қилади. 

Жорий мавсум Кубо барча турнирларда 25 та учрашувда майдонга тушиб, 6 та гол урди ва 4 та голли узатмани амалга оширди. Футболчининг "Реал Соседад" билан шартномаси 2027 йилнинг ўрталарига қадар тузилган. Transfermarkt портали экспертлари Кубонинг нархини 60 миллион еврога баҳоламоқда.